123
بقلم : عمرو نوار
مانيش شاعر لاكين غاوى
أرص حروفى ف غناوى
وأوزنها وأعدلها
وأعبى كلامى ف حكاوى
مانيش شاعر ومش ناوى
*-*-*-*
ولا بامدح بلاط سلطان
ولا عندى ليوم رؤياه
زبيبه مزينه قغطان
انا …..عريان
لكن “قولى ” كسا أوطان
عنيد جدا و “براوى ”
*-*-*-*
مانيش شاعر لاكين غاوى
احج “مقامها” وضريحها
و”أقدس” نسمه من ريحها
صلاتى “مصر” تساببحها
يا هنومه ….انا قناوى
*-*-*-*
مانيش شاعر ومش ناوى
ف بحر الشعر اكون “قبطان ”
انا شعرى … رمال صحرا
ف “يوم الزينه ” ألقيته
سحر “فرعون ” مع السحره
وآمن كل من “يقرا ”
وسجدت طايفة ” الشعرا ” .