أرسلت مهندسة نهال والدة أحد شهداء مجزرة ستاد بورسعيد رسالة قوية ومؤثرة إلى اللاعب المعتزل محمد أبو تريكة تضامناً معه فى أزمة تجميد أمواله ذكرت فيها مواقفه الإنسانية معها ومع جميع أسر شهداء المجزرة بورسعيد والتى راح ضحيتها 74 شهيدا.
وقالت عبر صفحتها على موقع “فيس بوك”:
“عارفين يعني ايه ابنك يتقتل وهو بيتفرج على ماتش في الاستاد، والفرقة اللي كان بيشجعها باعت دمه بعد كام شهر … إلا واحد بس ! عارفين لما الواحد دة هو الوحيد اللي راح لـ 74 أسرة بيوتها علشان يعزيها ! ويجي عندنا … ويلاقيني باتهم فرقته وناديه انهم سبب في قتل ابني، فبيبص في الأرض وبصوت كله حزن وبكل أدب يقولي طبعا حضرتك معاك حق! أنا إبنك لو احتجت أي حاجة في أي وقت اتصلي بيه فورا… ويسيب رقم تليفونه ! عارفين يعني ايه الواحد ده يدفع ربع مليون جنيه ويتمنع منه شارة الكابتن الى الأبد عقابا ليه علشان رفض يلعب ماتش السوبر وحق ابني لسه ماجاش ! عارفين الواحد ده ……. هو حبيب ابني اللي اتقتل …. ولسه صورته اللي علقها يإيده موجوده فوق سريره لغاية دلوقتي ! الواحد ده هو الغالي حبيب الغالي …. أبوتريكه ..لن يضيعك الله ياولدي أبدا إن شاء الله”
تعليقك على فيس بوك
أنشر تعليقك مباشرة على فيس بوك
